Səudiyyə Ərəbistan Krallığının Məkkə şəhərində keçirilən "2-ci Məkkə Halal Forumu" artıq başa çatıb

Səudiyyə Ərəbistan Krallığının Məkkə şəhərində keçirilən "2-ci Məkkə Halal Forumu" artıq başa çatıb. Forum, qlobal halal bazarının inkişafını dəstəkləmək və beynəlxalq əməkdaşlıqları gücləndirmək məqsədilə 25-27 fevral tarixlərində təşkil olunmuşdu.

Forumun sərgi hissəsində Azərbaycan Sahibkarlar Konfederasiyasının təşəbbüsü və Kiçik və Orta Biznesin İnkişafı Agentliyinin tərəfdaşlığı ilə qurulan Azərbaycan pavilyonunda kənd təsərrüfatı, emal sənayesi, turizm və digər xidmət sahələrini təmsil edən 15 stend fəaliyyət göstərib.

Qeyd edək ki, forumda Azərbaycan Sahibkarlar Konfederasiyasının vitse-prezidenti, Naxçıvan Muxtar Respublikası Sahibkarlar Konfederasiyasının sədri Vüqar Abbasov da iştirak etmişdir.