Sentyabrın 16-da Azərbaycan Sahibkarlar Konfederasiyası Rəyasət Heyətinin növbəti iclası keçirilib.

Sentyabrın 16-da Azərbaycan Sahibkarlar Konfederasiyası Rəyasət Heyətinin növbəti iclası keçirilib.

İclasda Konfederasiyanın tərkibində yaradılacaq Azərbaycan Arbitraj Mərkəzinin fəaliyyət prinsipləri, COP29 tədbirində iştirak və qarşıda duran məsələlər müzakirə edilib. İclası açan Azərbaycan Sahibkarlar Konfederasiyasının prezidenti Məmməd Musayev ölkə başçısının sahibkarlığın inkişafına verdiyi dəstək, biznes mühitinin yaxşılaşdırılması istiqamətində atılan addımlar, biznesin hüquqlarının müdafiəsi üçün yaradılan imkanlar, bu istiqamətdə həyata keçiriləcək tədbirlərlə bağlı məlumat verib.

Tədbirdə, həmçinin Naxçıvan Sahibkarlar Konfederasiyasının sədri və Azərbaycan Sahibkarlar Konfederasiyasının vitse-prezidenti Vüqar Abbasov da iştirak etmişdir. O, qeyd etmişdir ki, biznes mühitində yaradılan şərait sahibkarların gələcək planlarının uğurla həyata keçirilməsinə stimul verir.